Што такое «Трэці шлях»?

• Місія і вартасьці
• Наша краіна?
• Хто мы?
• Мы імкнемся...
• Чаго мы дасягнулі
• Нашыя партнэры
• Як і дзеля чаго мы дзейнічаем
• Як нам дапамагчы

Місія і вартасьці

"Трэці шлях" — гэта спосаб удзелу ў грамадзкім і палітчыным жыцьці нашай краіны, а таксама адкрытая дэмакратычная дыскусійная пляцоўка, на якой абмяркоўваюцца тэмы, важныя для сёньняшняй і заўтрашняй Беларусі.

Мы верым, што нельга дасягнуць посьпеху ў зьмяненьні грамадзтва, толькі паўтараючы досьвед мінулага (першы шлях) альбо капуючы шлях разьвіцьця іншых дзяржаваў (другі шлях). 

Мы абмяркоўваем, аналізуем і ацэньваем розныя мадэлі дзяржаўнага ладу, і імкнемся знайсьці той, трэці шлях разьвіцьця беларускай нацыі, які прывядзе да яе росквіту.

Мы дзейнічаем у інтарэсах найхутчэйшых пераменаў да лепшага ў нашай краіне і яе мадэрнізацыі ў адкрытую і свабодную дзяржаву.

Місія:

• Спрыяць мадэрнізацыі Беларусі ў пасьпяховую і канкурэнтаздольную краіну з прыярытэтам лібэральных вартасьцяў.

Вартасьці:

• Свабода асобы як права чалавека самастойна прымаць рашэньні
• Адказнасьць як умова свабоды асобы
• Прыватная ўласнасьць як аснова незалежнасьці асобы
• Сьвядомы ўдзел у жыцьці грамадзтва як умова, вызначаючая дабрабыт грамадзтва
• Салідарнасьць як сумеснае зацьверджаньне і абарона агульных вартасьцей
• Разнастайнасьць як перадумова для росквіту грамадзтва
• Талерантнасьць як права на існаваньне іншых меркаваньняў, поглядаў і ладаў жыцьця
• Дыялёг як база грамадзкае згоды
• Сумленасьць і адкрытасьць як прынцып існаваньня грамадзтва
• Праца як умова самарэалізацыі асобы і дабрабыту грамадзтва
• Давер
• Добрая воля як умова рэалізацыі ўсіх вышэй азначаных вартасьцей.

Нашае стаўленьне:

Наша краіна?

Мы жывем у Беларусі, дзе ўлада і ўсё, што зь ёю зьвязана, належыць вузкаму колу асобаў. Яны гатовыя жорстка падаўляць любое іншадумства і спробы канкурэнцыі зь імі ў палітыцы і ў эканоміцы. На чале гэтых людзей - нелегітымны прэзыдэнт Лукашэнка. У іхных руках грошы, сілавыя структуры, тэлевізія, радыё, прэса. Яны ня хочуць зыходзіць, яны баяцца дэмакратычных пераменаў.

Яшчэ яны вельмі дрэнна пераносяць гумар і сатыру зь сябе. Гэта выклікала ў нас шэраг праблемаў - на нашых актывістаў былі заведзеныя крымінальныя справы, мы былі пазбаўленыя кампутараў, шэрагу валянтэраў і актывістаў. Некалькі нашых людзей былі вымушаныя пакінуць сваю краіну, бо ім пагражаў арышт.

Але наша праца працягваецца!

Мы любім нашу краіну Беларусь і паважаем нашых суграмадзянаў. Мы ведаем, што праблемы і супярэчнасьці, якія назрэлі ў Беларусі, немагчыма вырашыць адразу, нават шляхам замены некалькіх ключавых асобаў у дзяржаве на іншых людзей. Мы разумеем, што шлях да свабоднага і адкрытага грамадзтва палягае праз разьвіцьцё грамадзянскай сьвядомасьці, самастойнасьці, фармаваньне ў кожнага зь беларусаў пачуцьця асабістай адказнасьці за тое, што адбываецца ў нашай краіне.

И главное – мы верим в то, что мы делаем, и уверены в нашем успехе!

І галоўнае – мы верым у тое, што мы робім, і ўпэўненыя ў нашым посьпеху!

У сярэднетэрміновай пэрспэктыве (да 2008 г.) Беларусь устане перад выбарам – як разьвівацца далей. Улада Лукашэнкі слабее і ў агляднай будучыні змушаная будзе альбо трансфармавацца ў штосьці меней таталітарнае, альбо саступіць месца іншым сілам. У той жа час востра стаіць пытаньне дзеяздольнасьці яе пераемнікаў – новай эліты Беларусі. Прадстаўнікі апазыцыйных партый і рухаў з-за спэцыфікі свайго разьвіцьця ў апошняе дзесяцігодзьдзе здольныя ўзяць на сябе гэтыя функцыі і выканаць іх эфэктыўна толькі ў вельмі абмежаваным маштабе. Цяперашняя ўладная эліта без фігуры Лукашэнкі нежыцьцяздольная як гарант стабільнасьці ў краіне, слабаканкурэнтная як палітычная сіла.

Супольнасць "Трэці шлях" у такой сытуацыі, адэкватна ацэньваючы ўласныя сілы і патэнцыял, імкнецца ня толькі максымізаваць свой удзел у зьмене ўладных элітаў у краіне, але і загадзя падрыхтаваць кадравы рэзэрв маладых прафэсіяналаў, якія абапіраюцца на свой праект разьвіцця Беларусі на доўгатэрміновую пэрспэктыву. Яго базаю павінна выступіць місія "Трэцяга шляху" - спрыяць мадэрнізацыі Беларусі ў пасьпяховую і канкурэнтаздольную краіну з прыярытэтам лібэральных вартасьцяў.

Мы не займаемся папулізмам і выпускам загадзя невыканальных заяваў накшталт неадкладнага стварэньня новай партыі лібэральнага толку. У лукашэнкаўскай Беларусі гэта магчыма толькі зь яго непасрэднай ухвалы. Гэта не наш выбар. Мы працуем у сфэры максымізацыі нашага кадравага і аналітычнага патэнцыялу, інфармацыйнага ўплыву і партнэрска-лябісцкіх кантактаў на Захадзе і ў Расеі. Каб у пэрыяд постлукашысцкай трансфармацыі быць здольнымі на нешта большае, чым проста рэгістрацыя палітычнай партыі. Мы жадаем рэальна ўплываць на вэктар разьвіцьця нашай краіны.

Мы – актывісты і валянтэры "Трэцяга шляху" – гэта група маладых людзей з рознымі прафэсіямі і жыцьцёвым досьведам, але з агульнымі каштоўнасьцямі і імкненьнем жыць у той Беларусі, якую мы сабе ўяўляем.

Мы верым, што нельга дамагчыся посьпеху ў справе ператварэньня грамадзтва, толькі прайграваючы досвед мінулага (першы шлях) - гэта шлях не для маладога грамадзтва Беларусі. Гэта шлях Лукашэнкі і яго людзей. У той жа час Беларусь мае свае асаблівасьці грамадзкага разьвіцьця, якія не дазваляюць дамагчыся посьпеху праз сьляпое капіяваньне шляху разьвіцьця іншых дзяржаваў (другі шлях).

Мы абіраем трэці шлях. Мы хочам актывізаваць маладое пакаленьне беларусаў. Маючы досыць ведаў аб розных мадэлях разьвіцьця грамадзтва, валодаючы прафэсійнымі навыкамі сусьветнага класа, ведаючы свой уласны народ, яны будуць здольныя знайсьці той – трэці шлях разьвіцьця беларускай нацыі, – які прывядзе яе да росквіту.

Мы дзейнічаем у інтарэсах найхутчэйшых пераменаў да лепшага ў нашай краіне і яе мадэрнізацыі ў адкрытую і вольную дзяржаву.     

Мы імкнемся:

• Стварыць на аснове супольнасці сайтаў “Трэці шлях” прастору для вольнай дыскусіі па пытаньнях будучыні Беларусі.

• Сабраць вакол нас людзей, якія падзяляюць нашы погляды, для абмену меркаваньнямі, знаёмства і сумесных дзеяньняў.

І самае галоўнае – мы плянуем пераўтварыць нашу ініцыятыву ва ўстойлівы грамадзкі рух. Гэта будзе супольнасьць актыўных, таленавітых, неабыякавых беларусаў, якая зможа прапанаваць грамадству эфэктыўны дэмакратычны шлях разьвіцця Беларусі.

Спадзяемся, што кожны з вас захоча ўзяць удзел хоць бы ў адной з гэтых ініцыятываў!

Чаго мы дасягнулі

 Мы працуем з 21 жніўня 2004 года. Толькі за апошні год працы нашы сайты ў Інтэрнэце наведала больш за паўмільёны чалавек з усяго сьвету. У дзень у сярэднім нас наведвала каля 1400 чалавек (паводле www.akavita.by ). Нашы асноўныя сайты зьяўляюцца лідэрамі ў катэгорыі «Грамадзтва і Палітыка» беларускага сэгмэнта інтэрнэту.

Спачатку сваёй дзейнасьці "Трэці шлях" складаўся толькі з 5 чалавек. Зараз нас некалькі дзясяткаў актывістаў, яшчэ больш людзей нас падтрымліваюць і сочаць за нашай актыўнасцю. Наша супольнасць мае сваіх актывістаў у Беларусі, Украіне, Нямеччыны, ЗША, Расіі, Польшчы, Швейцарыі, Швецыі і Эстоніі.

Нашы праекты
- "Мультклюб" (mult.3dway.org) – сумесны анімацыйны праект з грамадзкай ініцыятывай Мультклюб. У ім мы распавядаем пра няпростую беларускую палітычную рэчаіснасьць у сэрыі анімацыйных твораў.
- “Інфарматар” (gazeta.3dway.org) – інтэрнэт-газэта. З пачатку 2005 года яна выходзіла штомесяц, цалкам стваралася і распаўсюджвалася ў друкаванай або электроннай форме супольнасцю "Трэцяга шляху".
- “Кніга” (kniga.3dway.org) – праект інтэрнэтнага кнігавыдаўніцтва. Створаны ўлетку 2005 года, прадстаўляе чытачам актуальныя працы беларускіх пісьменьнікаў на палітычную тэматыку.

Нашы кампаніі
- "За нашых!" (za.nashih.org) – грамадзянская кампанія супраць перайменаваньня галоўных вуліцаў Менску. Праводзілася сумесна з Таварыствам беларускай мовы імя Ф. Скарыны, грамадзкімі ініцыятывамі "Вока" і "Партнэрства"
- "Салідарнасьць Байнэту" (16.3dway.org) – ініцыятыва па падтрымцы акцыі "Салідарнасць 16" у Інтэрнэце. Стартавала ў 2006 годзе
- “Свободен! ” (svoboden.org) – кампанія салідарнасьці зь беларускімі карыкатурыстамі шэрагу ўсходнеэўрапейскіх СМІ. 2006 год
- “За свабоду палітвязьняў Беларусі! ” (za.nashih.info) – кампанія прыцягненьня ўвагі да праблемаў Беларусі на Захадзе і салідарнасьці зь беларускімі палітычнымі зьняволенымі. Лета 2006 года.

Нашы партнэры

За час сваёй працы супольнасьць "Трэці шлях" набыла шэраг партнэраў за мяжой і ў Беларусі. Нашыя партнэры ўдзельнічаюць у сумесных праектах з намі, мы дапамагаем адзін аднаму ў нашай дзейнасьці.

У Беларусі нашымі асноўнымі партнэрамі зьяўляюцца: праект Гарт/Лімон (Гомель), моладзевы праект "ВОКА", грамадзкая ініцыятыва "Партнэрства", грамадзкая ініцыятыва "Воля народа", незалежны паліталягічны інтэрнэт-праект "Наше мнение".

За мяжой – гэта Лібэральныя партыі Нямеччыны і Эстоніі, Эўрапейскі гуманітарны ўнівэрсытэт (Летува), арганізацыі "Адкрытая Эстонія" (Эстонія), "Майдан" (Украіна), "Адкрытая Беларусь" (Латвія), Фонд Робэрта Боша (Нямеччына), DBG (Нямецка-беларускае таварыства) (Нямеччына), інтэрнэт-праект Belarusnews.de (Нямеччына), ініцыятыва "Погляд" (ЗША), ініцыятывы беларускай дыяспары ў Францыі, Швэцыі і Бэльгіі, арганізацыя Pontis (Славаччына), People in Need (Чэхія), Маладыя хрысціянскія дэмакраты Славаччыны.

Як і дзеля чаго мы дзейнічаем

21 жніўня 2006 года – 2 дзень нараджэньня нашай супольнасьці. Мы радыя сьвяткаваць яго разам з новымі сябрамі нашай супольнасьці, якія гатовыя стаць нашымі валянтэрамі і актывістамі.

Наша дзейнасьць як у рамках інтэрнэту, так і па-за ім арганізуецца паводле прынцыпаў добраахвотнага ўдзелу, асабістай зацікаўленасьці і прыярытэту самафінансаваньня і прыватных ахвяраванняў. Аднак, мы маем устойлівыя кантакты з ш\рагам прыватных і істытуцыянальных арганізацый-донараў, якія падтрымліваюць нашу дзейнасьць у інтэрнэце і дзейнасць нашых групаў за межамі Беларусі.

Для нас “Трэці шлях” – гэта спосаб удзелу ў грамадзкім і палітычным жыцьці нашай краіны, а таксама адкрытая дэмакратычная дыскусійная пляцоўка, на якой абмяркоўваюцца тэмы, важныя для сёньняшняй і заўтрашняй Беларусі.

Як нам дапамагчы?

У дзейнасьці "Трэцяга шляху" можна ўдзельнічаць рознымі спосабамі.

Вы спэцыяліст па ІТ тэхналёгіях – дызайнэр, флэшэр, праграміст, адміністратар, Вы журналіст, маркетоляг або PR-спэцыяліст? Для разьвіцця сайтаў нашых праектаў мы запрашаем вас далучыцца да нас, уключыцца ў сумесную працу з нашай тэхнічнай і PR-групай.

Вы жадаеце пісаць і публікавацца на нашых сайтах? Калі ласка! Паведамце нам пра Вашае жаданьне і прыкладзеце свой артыкул, матэрыял альбо ідэю публікацыі. Ваш матэрыял можа быць апублікаваны пасьля кансультацый з рэдакцыяй сайта http://bielarus.3dway.org.

Вы жадаеце абмеркаваць зь іншымі людзьмі цікавыя Вам пытаньні? Падзяліцца эксклюзіўнай інфармацыяй пра працу нашых дзяржаўных органаў? Распавесьці вядомую толькі Вам гісторыю з жыцьця краіны? Наведайце наш форум на сайце “Трэці шлях” (http://forum.3dway.org).

Вы маеце здольнасьці, крэатыўныя ідэі для стварэньня новых інфармацыйных прадуктаў (відэа, аўдыё, анімацыйных)? Дасылайце вашы працы нам. Мы будзем радыя дапамагчы Вам у папулярызацыі вашых працаў і ідэяў!

Вы жадаеце дапамагчы нам у распаўсюдзе нашай інфармацыі? Нам вельмі важны Ваш удзел. Раздрукуйце або зкапуйце столькі асобнікаў прадукта, колькі можаце, і распаўсюдзьце яго сярод тых, каму ён можа быць цікавы.

Вы маеце ідэі новых праектаў альбо прапановы датычна наяўных? Напішыце нам пра іх! Вашыя ідэі не застануцца без увагі. Мы будзем радыя дапамагчы Вам у іх рэалізацыі!

Вы жадаеце прадстаўляць нашыя інтарэсы ў рэгіёнах краіны альбо за мяжой? Напішыце нам.

Мы адкрытыя для дыялёгу ва ўсіх астатніх выпадках.

Нам цікавае Ваша меркаваньне!
Нам патрэбныя Вашы дапамога і ўдзел!