Archives | Трэці шлях

У Горадні пачаліся Дням памяці ахвяраў таталітарных рэжымаў у Белару�
05/26/2007 - 21:25 / Наша Ніва
У Гродна 26-29 траўня пройдуць мерапрыемствы, прысвечаныя Дням памяці ахвяраў таталітарных рэжымаў у Беларусі. Штодня з 26 па 29 траўня ў касцёлах і цэрквах Гродна будуць адбывацца набажэнствы памяці ахвяраў таталітарных рэжымаў у Беларусі. У панядзелак 28 траўня з удзелам грамадскасці горада і сяброў Гродзенскай абласной асацыяцыі ахвяраў палітычных рэпрэсій адбудзецца круглы стол на тэму “Ад беларусізацыі да Курапатаў”. Круглы стол пройдзе ў памяшканні Гродзенскага гарадскога аддзялення Беларускага грамадскага аб’яднання “Таварыства Беларускай Школы” (вул. Будзёнага 48а-44), пачатак а 18-й гадзіне. Штодня падчас правядзення Дзён памяці ахвяраў удзельнікі мерапрыемстваў будуць запальваць свечкі ў месцах, звязаных з злачынствамі таталітарных рэжымаў Мерапрыемствы праводзяцца ў межах года памяці, прысвечанага ахвярам палітычнага тэрору. Сёлета адзначаецца сумнае сямідзесяцігоддзе – у 1937 годзе разгул сталінскіх рэпрэсій дасягнуў піка. Беларуская дзяржава адмовілася стварыць аргкамітэт, каб годна ўшанаваць памяць ахвяр сталінізму. Арганізатарамі Гарадзенскіх Дзён памяці ахвяраў таталітарных рэжымаў у Беларусі выступілі мясцовыя актывісты “”Руху За Свабоду”. Прэсавая служба Гарадзенскага “Руху За Свабоду”
камэнтараў: 0

Мэрам Кэмбрыджу абралі транссэксуала
05/26/2007 - 21:20 / Наша Ніва
Мэрам брытанскага гораду Кэмбрыдж упершыню ў гісторыі краіны стаў транссэксуал. Джэнні Бэйлі нарадзіўся мужчынам. Апэрацыю па зьмене полу зрабіў у 30 зь нечым. Да таго часу ён ужо пасьпеў жаніцца і разьвесьціся. У Бэйлі ад шлюбу засталіся двое дзяцей, 20 і 18 гадоў. Падчас урачыстасьці 45-гадовая мэр ахвотна пазіравала фатографам разам з сваёй сяброўкай, былым сябрам муніцыпальнага савету Кембрыджу, 49-гадовай Джэніфэр Лідл, якая раней таксама была мужчынам. Каханкі пазнаёміліся, калі праходзілі гарманальную тэрапію. "Мы транссэксуалы, але цяпер XXI ст., гэта Кэмбрыдж, і гэта больш не зьяўляецца праблемай. Я пачала займацца мясцовай палітыкай, бо веру ў грамадзкую працу і мне хочацца прынесьці карысьць неверагоднаму гораду, у якім мы жывём", - сказала мэр. Выканаўчы дырэктар гарсавету Кембрыджу Роб Хэманд заявіў, што пытаньні полу і сэксуальнай арыентацыі ніяк не павінны ўплываць на права людзей займаць афіцыйныя пасады: "Ператварэньне Бэйлі з мужчыны ў жанчыну выкліча цікавасьць. Аднак савет пэўны, што пол і сэксуальная арыентацыя ня маюць значэньня для працы на грамадзкіх пасадах". Бэйлі стала 801-м мэрам Кэмбрыджу. Гэтую пасаду яна будзе займаць цягам году. БЕЛТА
камэнтараў: 0

"Расеі выгадна, калі беларускі ўрад увогуле нічога ня робіць"
05/21/2007 - 07:17 / Наша Ніва
Эканаміст Яраслаў Раманчук прэзэнтаваў у Менску сваю новую кнігу. Гэта не акадэмічная праца, а твор папулярызатара, пра што сьведчыць і разьняволеная назва: "Лібэралізм. Ідэалёгія шчасьлівага чалавека. Модна, разумна, крута!". І нават сэксуальна, дадаў аўтар падчас прэзэнтацыі
камэнтараў: 0

Чалавек для сябе
05/20/2007 - 00:01 / Кроў (ЧпБ), паводле JKM (c)
Сядзіш у хаце, у мягкіх тапках, пераглядаеш часопіс пра рыбалку. Гэта твае хоббі, палову жыцьця ахвяруеш рыбам і рыбалцы. Але калі цябе спытаюць: “Кім Вы ёсьць?” – напэўна адкажаш: “Інжынэр”, “Настаўнік”, “Праграміст”. Не адкажаш: “Рыбалоў”. Чаму? Таму што ты... Homo Faber. Чалавек Працы. Для нармальнага чалавека, для Homo Ludens, істотай жыцьця зьяўляюцца падарожжы, сям’я, карасі ды карпы, паштовыя маркі, фільмы, спорт, калекцыя гадзіньнікаў – іншымі словамі тое, на што ён ахвяруе свой час і грошы. А праца - гэта толькі сродак да здабываньня грошаў, якія ты прызначаеш на рэалізацыю сваіх мараў.
камэнтараў: 0

Маніфэст новай беларускай эканамічнай мадэлі
05/19/2007 - 23:10
Прадпрымальнік зацікаўлены ў тым, каб мець грошы, а пакупнікі зацікаўленыя ў тым, каб мець карысьць, якую прадпрымальнік можа ім даць. Умяшальніцтва дзяржавы ў эканоміку, як правіла, перашкаджае гэтым натуральным узаемаадносінам, падвышае цану тавараў, ад чаго зьмяншае магчымасьць попыту пакрыць прапанову, ад чаго церпяць усе бакі. "Абарона" эканамічна няздольных прадстаўнікоў насельніцтва ў выглядзе падачак, а не дапамогі ў прыстасаваньні да новых умоваў - гэта грубы і шкодны папулізм і загнаньне праблемы пад дыван. Праект Эканамічнае Канстытуцыі ў сваіх нормах зыходзіць менавіта зь яскрава лібэральных пазыцыяў: пазыцыяў абароны прыватнай уласнасьці і прыярытэтнасьці права чалавека на эканамічную дзейнасьць, накіраванасьці на спрыяньне рэалізацыі гэтых правоў.
камэнтараў: 0

Колькі забірае ў нас дзяржава, а колькі застаецца нам
05/19/2007 - 23:01 / Кроў (ЧпБ) паводле JKM
Атрымоўваецца, агулам мы плоцім дзяржаве (а заносяць гэта ў зубах да розных фондаў, падатковых устаноў ігд, у ролі бясплатных зборшчыкаў, вытворцы й прадпрымальнікі) прыблізна 73% нашых даходаў.
камэнтараў: 0

Ю.Міцкевіч: “Гамафобія ў Беларусі яшчэ вельмі моцная”
05/19/2007 - 22:47 / Радыё Свабода
17 траўня 1990 году Ўсясьветная арганізацыя аховы здароўя выключыла гомасэксуальнасьць зь Міжнароднай клясыфікацыі хваробаў. Як пачуваюцца ў беларускім грамадзтве прадстаўнікі гей- і лесьбі-руху?
камэнтараў: 0

Перамога Сцыллы над Харыбдай
05/06/2007 - 19:37 / Алесь Чайчыц
Няма той палітычнай перамогі, якую нам адзначаць у дзень 9 траўня. Фактычна гэта была перамога аднаго лютага ворага Беларусі над іншым абсалютна такім жа, вызваленьне ад нямецка-нацысцкіх акупантаў - бальшавісцкімі. Парадаксальным і сымбалічным чынам Беларусь сталася адзінаю краінай з тых, што прынята лічыць "пераможцамі", якая пацярпела тэрытарыяльныя страты ў выніку вайны. Палітычна Беларусь прайграла, як прайграла б яна і пры перамозе Гітлера: яна проста ня мела шанцу на перамогу ў вайне, дзе яе ворагі былі па абодва бакі фронту.
камэнтараў: 0

Беларусь ізноў у шэрагу апошніх у галіне свабоды СМІ
05/03/2007 - 00:49 / Наша Ніва
У галіне свабоды прэсы Беларусь займае адно з апошніх месцаў у свеце. Паводле штогадовай справаздачы праваабарончай арганізацыі «Freedom House», Беларусь аднесена да ліку «несвабодных» краінаў і знаходзіцца на 186‑ым месцы ў спісе з 195 краін свету. «Freedom House» канстатуе, што ўлады ў Беларусі скарыстоўваюць дзяржаўную манаполію на друк і распаўсюджванне перыядычных выданняў. Згодна з аналізам арганізацыі, беларускія ўлады пайшлі па шляху не проста грубага закрыцця выданняў, але іх максімальнага абмежавання нібыта ў рамках існуючага заканадаўства. Сітуацыя са свабодай слова і друку горш чым ў нас толькі ў Паўночнай Карэі, Туркменістане, Лівіі, на Кубе, у Бірме, Эрытрэі, Узбекістане, Зімбабвэ і Экватарыяльнай Гвінеі. У гэтых краінах, паводле справаздачы свабодныя медыі або ўвогуле не існуюць, або распаўсюджваюцца ў такіх невялікіх маштабах, якіх недастаткова, каб данесці да грамадства альтэрнатыўную, непадцэнзурную інфармацыю. У сэнсе свабоды СМІ, паводле «Freedom House», з ліку 195 краінаў свету 74 — «свабодныя», 58 — «часткова свабодныя» — і 63 — «несвабодныя». Сцвярджаецца, што найлепшая сітуацыя ў Фінляндыі і Ісландыі,Бельгіі, Даніі, Нарвегіі і Швецыі. З краін былога сацлагеру і СНД найбольш свабодныя медыі ў Эстоніі, Чэхіі, Літве, Латвіі і Славаччыне, а найменей свабодныя ў Туркменістане і Узбекістане. У справаздачах, якія «Freedom House» публікуе з 1980 году, ацэньваецца ступень свабоды распаўсюджвання інфармацыі праз друкаваныя выданні, радыё і тэлебачанне, а таксама праз інтэрнэт. У сёлетнім дакуменце адзначана, што за 2006 год у некаторых краінах якраз інтэрнэт стаў аб’ектам цэнзуры або быў закрыты доступ да паасобных сайтаў. «Услед за такімі краінамі, як Расея, беларускія ўлады спрабуюць кантраляваць таксама і інтэрнэт — апошнюю крыніцу незалежнай думкі. Паколькі дзяржаўная кампанія «Белтэлекам» з’яўляецца манапалістам на рынку электронных мэдыяў, улады блакуюць некаторыя інтэрнэт‑старонкі ў моманты, асабліва істотныя для рэжыму, напрыклад, падчас выбараў», — паведамляецца ў сёлетняй справаздачы «Freedom House» пра свабоду слова і друку ў сьвеце.
камэнтараў: 0

Беларуская эканоміка не вытрымлівае пэнсіянэраў‑ільготнікаў
05/03/2007 - 00:47 / Наша Ніва
«Эканоміка краіна ў найбліжэйшыя гады можа ня вытрымаць армію пэнсіянэраў‑ільготнікаў, што павялічваецца з кожным годам, ‑‑ калі не прыняць новае заканадаўства», ‑‑ заяўляюць ў Міністэрстве працы і сацыяльнай абароны. Гэтае меркаваньне выказала ў размове з карэспандэнтам «Інтэрфакс» начальнік аддзелу разьвіцьця пэнсійнай сыстэмы галоўнай управы пэнсійнага забесьпячэньня і сацыяльнага страхаваньня Міністэрства працы і сацыяльнай абароны Тацяна Пагонышава. На яе думку, трэба зьвярнуць увагу на рацыянальнае расходваньне сродкаў, якія зьбіраюцца «на пэнсійнае забесьпячэньне». Пагонышава паведаміла, што ў Беларусі нагрузка на працуючую частку насельніцтва, якая павінна ўтрамліваць пэнсіянэраў, у 1,5 разы вышэйшая, чым у Расеі, і значна вышэй за краіны Балтыі і Польшчу». Першым крокам, які можа зьмяніць сытуацыю, можа стаць законапраект аб ільготных пэнсіях. Аналіз сытуацыя з пэнсійным забесьпячэньнем на шкодных вытворчасьцях паказвае, што больш за 76 працэнтаў асобаў, якія датэрмінова выходзяць на пэнсію, ня хочуць пакідаць шкодную вытворчасьць, і працягваюць працаваць, атрымліваючы пэнсію. Цяпер у Беларусі налічваецца 2,4 мільёна пэнсіянэраў, на выплату пэнсіяў ідзе 11 валовага ўнутранага прадукту.
камэнтараў: 0